Nyheter

Ørsta IL friidrett inviterer til Ørstaleikane på Ørsta stadion laurdag 22. august 2020.

Klubbliste og startliste er klare (oppdatert torsdag ettermiddag kl 17). Tidsskjema er og klart no.

Trykk på linkane under for å opne listene.

Tidsskjema Ørstaleikane 2020

Klubbliste Ørstaleikane 2020 (pr torsdag)

Startliste Ørstaleikane 2020 (pr torsdag)

Meld frå snarast til arrangør om de finn manglar eller feil.

 

Påmeldingsfrist var tysdag 18. august.

Vi har endeleg høve til å opne også for 8-9 åringar. Stemnet er for aldersgruppene frå 8 år til senior.

Stemnet vert arrangert i tråd med gjeldande smittevernsreglar. Publikum som ønskjer å vere til stades må søke arrangør om plass. Alle som er på stemnet skal følge gjeldande smittevernsreglar. 

Grunnreglar:

Sjuke personar skal halde seg heime

God hand- og hostehygiene og forsterka reinhold

Halde minst ein meters avstand og redusere kontakt mellom personar

Stemnet vert delt i to: Først rekruttane kl 11. Deretter 10 år og eldre kl 12. 

Sjå invitasjonen for meir informasjon: Trykk her for å opne innbyding Ørstaleikane 2020 Ørsta IL friidrett

Vi treng mange funksjonærar. Ta gjerne kontakt om du kan bidra.

Vi har lagt til tilleggsøvingar: Høgde for G/J 13-17, Slegge G/J 11-15, Diskos G/J 11-15,  Spyd G/J 15.

05.08.2020
- olve.oyehaug

Elias Hovden Nilsen imponerte stort då han tok tredjeplass i spydkast på Bislett med gode 63,51 m, og ny personleg rekord. Elias hadde ein god serie der fire av seks kast var over 61 meter.

Johannes Eiksund sprang ein god 100 meter på 11,51 i godkjent vind. Dette er den nest raskaste 100-meteren til Johannes med godkjent vind nokon gong.

Boysen Memorial, oppkalla etter legenden Audun Boysen, vart arrangert på Bislett stadion måndag og tysdag 29.-30. juni. Fleire av landets fremste utøvarar stilte til start, fronta av Team Ingebrigtsen og Eivind Henriksen. 

Sjå meir informasjon på boysenmemorial.no

30.06.2020
- olve.oyehaug

Ørstas raskaste mann, Johannes Eiksund er i storform! I helga sette han to klubbrekordar og tre personlege rekordar på Veidekke-sprinten på Lillehammer.

På laurdagen sprang han 60 m på 7,26 og 150 m på 17,01, med godkjent vind. Begge resultata er klubbrekordar (elektronisk tid). Søndagen spurta han inn til ny personleg rekord på 200 m med gode 23,50 i godkjent vind. Johannes er no den tredje raskaste nokon gong i klubbens historie på 200 m (elektroniske tider). Han sprang 100 m på gode 11,43, men med for sterk vind, 3,1 m/s, for å få godkjent resultat. 

Det står stor respekt av å gjennomføre fire så gode løp på to dagar.

No gjer Johannes seg klar til å delta på Boysen Memorial på Bislett tysdag 30. juni, saman med klubbkamerat og spydkastar Elias Hovden Nilsen.

Veidekke-sprinten samla mange av dei raskaste sprinterane i landet. Stemnet vart arrangert av Lillehammer Idrettsforening laurdag 27. juni og søndag 28. juni på Stampesletta på Lillehammer.

Resultat frå stemnet finn ein på: lillehammerif.no

 

28.06.2020
- olve.oyehaug

Ørsta IL friidrett arrangerer friidrettsskulen Nestle-leikane på Ørsta stadion måndag 10. august - onsdag 12. august 2020. Det er kvart år rift om plassane, så ver raske med å melde på.

Nestle-leikane er eit lokalt tilbod til barn i alderen 7-12 år som går over tre dagar i sommarferien. På Nestle-leikane skal barn få trene basisferdigheiter og prøve friidrett på ein spennande og utviklande måte prega av leik og glede.
 
Nestle-leikane er eit samarbeid mellom friidrettsklubbar, Norges Friidrettsforbund og Nestle. 

Det er plass til 60 barn på friidrettsskulen Nestle-leikane.

Smittevern i samband med covid 19-pandemien: Arrangementet vert gjennomført i tråd med gjeldande smittevernsreglar frå myndigheitene og frå friidrettsforbundet. Friidrettsforbundet har utarbeidd ein eigen veiledar for smittevern på Nestle-leikane. Denne vert brukt gjennom heile arrangementet.

Kva: Spennande dagar i sommarferien der born møtast til gode aktivitetstilbod på dagtid.

Alder: 7-12 år

Varigheit: 3 dagar

Når: Måndag 10. august - onsdag 12. august, klokka 9-15.

Stad: Ørsta stadion

Påmeldingsfrist: 2. august 2020 kl 20.00

Pris: Kr 750,-

Deltakargåve: T-skjorte

Antal: 60 deltakarar

Påmelding på: http://www.deltager.no/Idrettsleker/orsta2020

Oppmøtestad: På friidrettsbana på Ørsta stadion

Mat og drikke: Alle må ta med mat og drikke.

Innhald

Deltakarane vil få introduksjon til m.a. forskjellige friidrettsøvingar. Det vil bli innslag av løp, hopp, kast, samt leik for utvikling av balanse og motorikk i tillegg til ballspel og øvrige aktivitetar. Kyndige og engasjerte idrettsleiarar, ungdom som sjølve er aktive utøvarar i friidrettsgruppa, vil tilrettelegge og hjelpe barna på deira eigne premissar.

Bli med!

La barnet ditt få ei aktiv og sosial ferietid fylt med fysisk leik tilpassa alle nivå.

Ørsta IL friidrett har sidan 2012 arrangert friidrettsskulen Idrettsleikar veka før skulestart. Målet er å arrangere dette kvart år. Friidrettsskulen er for barn i alderen 7-12 år. Det har så godt som alle år vore fullteikna kvart år, med rundt 60 deltakarar kvart år.

 

25.06.2020
- olve.oyehaug

Elias Hovden Nilsen flytta sin eigen banerekord i spyd på Ørsta stadion frå 56,78 m til 58,62 m på SpareBank 1 - leikane.

Trass temperatur rundt 30 varmegrader vart det svært gode prestasjonar på dei 55 utøvarare som deltok på stemnet.

Johannes Eiksund (G17) sprang klubbens nest raskaste 100 m for menn gjennom alle tider på strålande 11,44. Dette er ny solid PR (før 11,74) og 1010 Tyrvingpoeng. Johannes er no klar for både UM og Junior NM.

Arnstein Ose (G15) kasta 4 kg slegga ut til 31,51 m som er godt over UM-kravet i slegge G15.

Julie Hovden Ryste (J12) hoppa 4,41 m i lengde - 939 Tyrvingpoeng. Ho fekk opp gode 9,00 m i tresteg - 950 Tyrvingpoeng.

Thea Nilsen (J15) kvalfiserte seg for UM. 500 gr. spydet landa på 29,45 m som er godt over UM-kravet. 29,45 m er ein solid ny PR (før 24,89 m).

Maria Mjelva Straume (J15) sprang ein solid 800 m. Ny PR 2,26,99 (før 2,29,81) og ho er kvalifisert for UM. Med 2,26,99 er Maria no klubbens 8. raskaste kvinne på 800 m gjennom alle tider.

Det var og mange andre gode prestasjonar og personlege regordar blant Ørsta IL friidrett sine utøvarar. I 10-årsklassen er det mange talent. Mads Melle Lundberg, Kristian Aarflot Årdal, Madelene Almestad, Lea Johanne Asbjørnsdottir Skotte, Agnes Hjellen Haugland og Ragne Øyehaug deltok på stemnet og leverte svært gode resultat og mange personlege rekordar.

Dimna IL stilte med fleire utøvarar på nasjonalt toppnivå. Den høgste poengsummen på Tyrvingtabellen tok Henrikke Antonsen (J17) frå Dimna IL då ho kasta slegga 46,43 meter og fekk 1029 poeng.

Utøvarane var svært glade for å kunne konkurrere på Ørsta stadion igjen. Så langt i år har det på Ørsta stadion kun vore arrangert mindre treningsstemne p.g.a. smittevernsrestriksjonar.

SpareBank 1-leikane vart arrangert av Ørsta IL friidrett laurdag 20. juni. 55 utøvarar frå ni klubbar deltok på stemnet. Stemnet vart arrangert i tråd med gjeldande smittevernsreglar. Øvingsutval, aldersgrupper og tal på deltakarar og publikum var redusert i samband med covid 19-pandemien. 

Resultatliste ligg på https://www.orstail.no/files/1375

20.06.2020
- olve.oyehaug

Kalender

April
MTOTFLS
2930311234
567891011
12131415161718
19202122232425
262728293012

Aktiviteter

Ingen aktiviteter tilgjengelig for øyeblikket