Nyheter

Ørsta IL friidrett inviterer til treningsstemne løp og hopp tysdag 15. september.

Stemnestart kl 18.00

Oppmøte for utøvarar seinast kl 17.30

Oppmøte for funksjonærar kl 17.00

 

P.g.a. koronapandemien skal vi ha full kontroll på kven som er på arrangementet. Det vert derfor påmelding på førehand.

Påmeldingsfrist er søndag 13. september. Påmelding via MinIdrett.

Alle publikumarar må vere på triubunen, og må registrere seg med namn og tlf-nr ved frammøte.

 

Øvingsutval:

8-9 år: 60 m og lengde

10-12 år: 100 m, 600 m, lengde, tresteg

13-19 år: 100 m, 800 m, lengde, tresteg

 

06.09.2020
- olve.oyehaug

Ørsta IL friidrett inviterer til treningsstemne slegge senior tysdag 8. september kl 19.00 på Ørsta stadion. Klassar er MS og KS. Påmelding via MinIdrett.

Publikum må registrere seg med namn og telefonnummer ved frammøte.  

06.09.2020
- olve.oyehaug

Møre og Romsdal sitt friidrettslag tok andreplassen på Lerøy-leikane i Trondheim i helga. Sør-Trøndelag vann solid med 394 poeng, Møre og Romsdal hadde 313 poeng og Nord-Trøndelag tok tredjeplassen med 294 poeng. Det var ein spennande kamp, og berre nokre få poeng ned til 4. og 5. plass.

Lerøy-leikane er ein lagkamp der friidrettskretsane konkurrerer om å få flest poeng. Resultata frå Ørsta IL friidrett sine utøvarar som hadde kvalifisert seg til lagkampen var viktige for resultatet.

Isak Vindfjell (G13) tok sølv på 60 m med tida 8,26. Dette er ny personleg rekord (PR) og gav 929 Tyrvingpoeng. Han tok bronse i lengde med ny PR 4,65 m, og bronse på 200 m med ny PR 27,45. Han tok og 5. plass i tresteg.

Håvard Bernseter Keilen (G13) tok to gode 4. plassar. Den eine var i kule 3 kg med 8,42 m og ny PR. Den andre var i spyd 400 gr med 25,86 m og ny PR. Han hoppa 1,26 m i høgde og sette ny PR (før 1,20 m) og vart nr 5. 

Jenny Hermine Bjørneset (J14) sette ny PR i slegge 3 kg (119,5) med 12,71 m og vart nr 6. Ho tok 9. plass i diskos 0,75 kg etter å ha kasta diskosen ut til 12,56 m og ny PR. Ho tok og 9. plassen på 600 m.

Elise Aarflot (J14) tok seg til finalen på 60 m og kom i mål til ein 7. plass på 8,66. Ho sette ny sesongbeste 29,65 på 200 m og vart nr 8. Ho hoppa 8,74 m i tresteg og vart nr 11 der.

Resultata ligg på: https://webres2.andro.no/ungdomelekene/2020/trondheim/?fbclid=IwAR2E9DM5cReZITzWVxscBJhiUiWXU0iG9XM-b9LtKRI3FTmJMNbskkb3DXU

Nettside for stemnet: https://www.friidrett.no/barn-og-ungdom/leroy-lekene/midt-og-nord-norge/

Facebook-link til stemneinfo: https://www.facebook.com/lekenemidtognordnorge

Programbladet for stemnet: https://www.friidrett.no/globalassets/barn-og-ungdom/ungdomslekene/midt--og-nord-norge/program-leroy-lekene-midt-og-nord-norge-2020-komprimert.pdf

Stemnet vart arrangert i tråd med gjeldande smittevernreglar. Det gjorde at arrangementet vert noko annleis enn tidlegare år, med mellom anna ekstra god handhygiene, krav til avstand og andre tiltak.

Lerøy-lekene 2020 for Midt- og Nord-Norge samla kretsane i Møre og Romsdal, Sør-Trøndelag, Nord-Trøndelag, Nordland, Troms og Finnmark og vert av mange rekna som årets store hending for landets 13- og 14-årige friidrettsutøvarar. Lerøy-leikane samlar 7-800 jenter og gutar på tre stader i landet. 

06.09.2020
- olve.oyehaug

Lerøy-leikane i Trondheim: Ørsta IL friidrett stiller med fire utøvarar på Lerøy-leikane i Trondheim denne helga. Lerøy-leikane er ein sosial og spennande lagkamp mellom friidrettskretsane. Det vert konkurrert i eit breidt utval av øvingar.

Elise Aarflot, Jenny Hermine Bjørneset, Isak Vindfjell og Håvard Bernseter Keilen frå Ørsta IL friidrett kvalifiserte seg til å representere Møre og Romsdal friidrettskrets.

Du finn info og m.a. live-stream via linkane under.

Nettside for stemnet: https://www.friidrett.no/barn-og-ungdom/leroy-lekene/midt-og-nord-norge/

Facebook-link til stemneinfo: https://www.facebook.com/lekenemidtognordnorge

Programbladet for stemnet: https://www.friidrett.no/globalassets/barn-og-ungdom/ungdomslekene/midt--og-nord-norge/program-leroy-lekene-midt-og-nord-norge-2020-komprimert.pdf

Stemnet vert i tråd med gjeldande smittevernreglar. Det gjer at arrangementet vert noko annleis enn tidlegare år, med mellom anna ekstra god handhygiene, krav til avstand og andre tiltak.

Lerøy-leikane vert ofte kalla eit "uoffisielt NM for 13- og 14-åringar". Landet vert delt inn i tre regionar, og det er tre arrangement samtidig, eitt i sør, eitt i vest og eitt i midt/nord. Det er ein konkurranse mellom friidrettskretsane i landet. Kretsen med høgst samla poengsum vinn. Møre og Romsdal har vunne konkurransen i mange år. 

05.09.2020
- olve.oyehaug

Maria Mjelva Straume (J15) tok sølv på 800 meter på sitt første UM med gode 2,20,87 og 964 Tyrvingpoeng. Sølvmedalje på 800 m er lik eit nasjonalt gjennombrot på mellomdistanse. Tida er også klubbens 3. raskaste 800 m for kvinner gjennom alle tider og ny klubbrekord på 800 m J15. Den gamle J15 rekorden på 800 m var 2,22,31 frå 2003. 

Thea Nilsen (J15) tok 7. plass i diskos 0,75 kg med 27,70 meter og 7. plass i spyd 500 gr. med 29,26 meter. To finaleplasseringar i meisterskapsdebuten er ein flott prestasjon. Begge resultata er tett opp mot personleg rekord. 

Sprint i aldersklassen G17 i Norge held eit høgt nivå i år. Her er det mange som spring veldig fort og Johannes Eiksund er ein av dei. Han tok seg nesten til finale på 100 m. Litt motvind og 11,58 sek på 100 gav 9. plass og 986 Tyrvingpoeng. Han sprang 200 meter på 23,46. Det er raskare enn personleg rekord (23,50). Men med medvind på 2,2 m/s så vart ikkje resultatet godkjent som ny personleg rekord. Johannes har igjen vist at han held høgt nasjonalt nivå.

UM (Ungdomsmeisterskap) er norgesmeisterskap i friidrett for ungdom i alderen 15 år og eldre. UM vart arrangert på Jessheim 28.-30. august. Mange deltakarar frå Møre og Romsdal deltok. I år var arrangementet avgrensa til aldersklassane 15-17 år p.g.a. koronapandemien. 

Samtidig som UM pågjekk deltok Elias Hovden Nilsen på Bøkeskoglekene i Larvik. Der sette han ny personleg rekod i spyd  med 64,06 meter (før 63,51 m) og ny klubbrekord menn junior og menn senior. 1020 Tyrvingpoeng vart det også med heim.

 

30.08.2020
- olve.oyehaug

Kalender

April
MTOTFLS
2930311234
567891011
12131415161718
19202122232425
262728293012

Aktiviteter

Ingen aktiviteter tilgjengelig for øyeblikket