Nyheter

Ørsta IL friidrett stilte med 20 ivrige utøvarar på det første friidrettsstemne utanfor klubben på lang tid. I strålande solskin og fin temperatur vart det sett mange personlege rekordar på Dimnaleikane i Ulsteinvik. Det var og stor medaljefangst til Ørsta på stemnet.

I første del av stemnet var det enorm deltaking. Ørsta sine yngste i alderen 9 år og nedover sette personlege rekordar i fleng. I andre del av stemnet var det aldersgruppene 10-19 år som konkurrerte.

Madelene Almestad (J11) tok med seg heim fire medaljar, tre gull og ein sølv. I lengde fekk ho 941 Tyrving-poeng for beste hopp på 4,07 meter.

Julie Hovden Ryste og Linnea Høydalsnes Nes (begge klasse J13) gav kvarandre tøff konkurranse og var best klassen J12. Julie tok 1. plassar på 60 m, 200 m og lengde. Tett bak kom Linnea og to 2. plassane i same øvingane. I høgde persa Julie solid og hoppa 1,43 m og 932 Tyrving-poeng.

Pia Flatjord Tofteland (J12) hoppa til gull i lengde med 4,57 m og fekk 972 Tyrving-poeng.

Ørstas raskaste mann, Johannes Eiksund viste at han er i rute til ny pers og tok andreplass på 100 m i klassen G18/19 på gode 11,51 sek i godkjend vind (972 Tyrving-poeng). Tredjeplassen var det kameraten Sondre Espelid frå Dimna IL som tok med 11,55. Vinnar var ein av landets raskaste 19-åringar, Jonas Andre Ose frå Dimna på 10,80.

Det var ingen tvil om at mange såg fram til å kunne delta på stemne igjen. Med over 200 deltakarar, i hovudsak frå Søre Sunnmøre, så vart stemnet delt i to. Arrangør Dimna IL hadde gjort grundig planlegging for å kunne gjennomføre det store stemnet i tråd med gjeldande smittevernreglar.

Resultatliste ligg på www.dimna.no 

31.05.2021
- olve.oyehaug

Ørsta IL friidrett inviterer til Klubbstemne SpareBank1 leikane på Ørsta stadion søndag 6. juni.

Påmeldingsfrist er tysdag 1. juni. Påmelding gjer ein via minidrett.no eller appen MinIdrett (søk på Klubbstemne i søkefeltet i minidrett).

Sjå vedlagt innbyding for øvingsutval og meir informasjon.

Vi oppmodar utøvarane til å avgrense deltaking til tre øvingar.

P.g.a. pandemien er deltaking avgrensa til å vere eit klubbstemne for Ørsta IL friidrett sine utøvarar. 

Trykk her for link til innbyding SPB1-leikane klubbstemne 2021

27.05.2021
- olve.oyehaug

Trym Ville Krøvel (G12) vart dagens vinnar i kule. Han støytte 3 kg-kula 9,78 meter og vart dermed den som fekk flest poeng på Tyrving-tabellen. Han fekk heile 908 Tyrvingpoeng.  

Kristian Aarflot Årdal (G11) sette personleg rekord med 7,39 meter med 2 kg-kule.

Dei siste åra har kule biltt ei rotasjonsøving også i Europa. Vi har øvd på rotasjon på treningane, og mange av utøvarane viste på stemnet at dei har fått god kontroll på rotasjonen. 

20 motiverte utøvarar i alderen 10-13 år deltok på Ørsta IL friidrett sitt treningsstemne i kule på Ørsta stadion 27. mai.

Trykk her for resultatliste - treningsstemne kule 

27.05.2021
- olve.oyehaug
Torsdag 27. mai har Ørsta IL friidrett treningsstemne i kulestøt på Ørsta stadion for aldersklassane 10 år og eldre.
Dette er del av "månadens utfordring" frå friidrettskretsen. Nokre heldige utvalde vil få t-skjorte i uttrekkspremie etter stemnet.
Dei som er 10-12 år møter kl 18 og er ferdige ca 19 eller litt etter det.
Dei som er 13 år og eldre startar rundt kl 19 (alt etter kor lenge vi held på med 10-12-årsgruppa).
25.05.2021
- olve.oyehaug

41 motiverte utøvarar konkurrerte på klubbstemnet som Ørsta IL friidrett arrangerte laurdag 8. mai. Resultata var gode trass låg temperatur og både hagl og regn mot slutten av stemnet. 

Madelene Almestad (J11) sletta den 27 år gamle klubbrekorden for aldersklasse J11 på 60 meter hekk med 12,73 sek. Den gamle rekorden frå 1994 var på 12,74 sek og var sett av mor til Madelene, Anita Kristiansen.

Ørstas raskaste mann Johannes Eiksund konkurrerer no i 18/19-årsklassen. Han sprang 100 m i kraftig regn og solid motvind på 12,36 sek. Det viser at han er godt i rute tidleg i utandørssesongen.

I klassen G-12 imponerte nykomanane Trym Ville-Krøvel og Ruben Urkegjerde. Dei starta med friidrett i vinter og i dag tok dei første- og andreplass i alle øvingane dei deltok i. 

Friidrettsgruppa har endeleg kome i gang igjen med stemne for 6-9-åringane. I dag deltok 13 av dei på stemne. I fjor var det ingen stemne for denne aldersgruppa p.g.a. pandemien. Ørsta IL friidrett er no godt i gang med å bygge opp att den gruppa og ser fram til å arrangere fleire stemne og treningar også for den aldersgruppa.  

Stemnet var for aldersgruppa 6-19 år. Deltaking var avgrensa til Ørsta IL sine utøvarar og avgrensa i aldersklassar p.g.a. covid-19-pandemien. Stemnet vart arrangert i tråd med gjeldande smittevernsreglar.

Trykk på linken for resultatliste: Resultat - Klubbstemne 8 mai 2021

08.05.2021
- olve.oyehaug

Kalender

September
MTOTFLS
303112345
6789101112
13141516171819
20212223242526
27282930123

Aktiviteter

Ingen aktiviteter tilgjengelig for øyeblikket