Nyheter

Tysdag 15. juni arrangerer Ørsta IL Treningsstemne / cupstemne på Ørsta stadion. Dette stemnet er i staden for trening denne dagen.

Øvingsutval:

  • 6-9 år: 60 m og lengde. Og liten ball dersom det vert ledig tid. (Start kl 1800)
  • 10-12 år: 60 m, 400 m, liten ball. Og lengde dersom det vert ledig tid. (Start ca kl 1830)
  • 13 år og eldre: 60 m, 400 m, 800 m, lengde (Start ca 1900)

Påmelding ved frammøte:

  • 6-9 år: Kl. 17:30
  • 10-12 år: Kl. 18:00 
  • 13 år og eldre: Kl. 18:30
  • Kr 50,- pr utøvar

Alle må vere påmelde og ferdig oppvarma seinast 15 minutt før stemnestart.

Stemnet vert arrangert i tråd med gjeldande smittevernsreglar.

 

09.06.2021
- olve.oyehaug
 
 

Ørsta IL friidrett arrangerer Landslagets friidrettsskule på Ørsta stadion måndag 16. august - onsdag 18. august 2021.

Det er plass til 60 barn på friidrettsskulen.

Friidrettsskulen er eit lokalt tilbod til barn i alderen 7-12 år.  Friidrettsskulen går over tre dagar i sommarferien. På friidrettsskulen får barn trene basisferdigheiter og prøve friidrett på ein spennande og utviklande måte prega av leik og glede.

Friidrettsskulen er i regi av Norges Friidrettsforbund. 

Påmelding: http://www.deltager.no/Landslagetsfriidrettsskole/event/orsta 

Kva: Spennande dagar i sommarferien der born møtast til gode aktivitetstilbod på dagtid.

Alder: 7-12 år

Varigheit: 3 dagar

Når: Måndag 16. august - onsdag 18. august, klokka 9-15.

Stad: Ørsta stadion

Påmeldingsfrist: 5. august 2021

Pris: Kr 750,-

Deltakargåve: T-skjorte

Antal: 60 deltakarar

Oppmøtestad: På tribunen ved tidtakarbuda på Ørsta stadion

Mat og drikke: Alle må ta med mat og drikke.

Innhald

Deltakarane vil få introduksjon til m.a. forskjellige friidrettsøvingar. Det vil bli innslag av løp, hopp, kast, samt leik for utvikling av balanse og motorikk i tillegg til ballspel og øvrige aktivitetar. Kyndige og engasjerte idrettsleiarar, ungdom som sjølve er aktive utøvarar i friidrettsgruppa, vil tilrettelegge og hjelpe borna på deira eigne premissar.

Bli med!

La barnet ditt få ei aktiv og sosial ferietid fylt med fysisk leik tilpassa alle nivå.

Ørsta IL friidrett har sidan 2012 arrangert friidrettsskulen Idrettsleikar veka før skulestart. Målet er å arrangere dette kvart år. Friidrettsskulen er for barn i alderen 7-12 år. Det har vore fullteikna kvart år, med rundt 60 deltakarar kvart år.

 

07.06.2021
- olve.oyehaug

Det vart ein svært spennande og underhaldande 1500 m som avslutta SpareBank1-leikane på Ørsta stadion. Jonatan Hovden Ryste (G13) og Noah Digernes Merheb (G14) la ut i relativt roleg tempo i første halvdel av løpet, men auka stadig etter det. Noah drog i 1400 m og kvar gong Jonatan prøvde å passere så svarte Noah med å auke tempoet. Frå omlag 800 meter auka farta godt. Dei siste 250 meterane vart ein langspurt, der dei auka til full sprint skulder mot skulder dei siste 100 meterane. Noah kasta seg først over målstreken og slo Jonatan med 7 hundredelar med tida 4,52,63. Begge vart vinnarar i sine aldersklassar. Med litt finpuss dei komande vekene kan begge vere kapable til å setje klubbrekord på 1500 m i sine aldersklassar.

Rekruttane i alderen 6-9 år deltok i 60 meter, lengde og liten ball. Dei viste idrettsglede og stor innsats. For aldersgruppa 10-19 år var det større utval i øvingar innanfor løp, kast og hopp. 10-12 årsgruppa har øvd mykje på hekk, og det viste godt att på stemnet. Ei som var ekstra rask var Madelene Almestad (J11) som flaug over hekkane på 11,81 sek på 60 m hekk. 

Rundt 40 deltakarar i alderen 6-19 år var i aksjon på klubbstemnet Sparebank1-leikane den 6. juni på Ørsta stadion. Stemnet vart arrangert i tråd med gjeldande smittevernsreglar. Arrangør Ørsta IL friidrett valde å redusere deltaking til kun klubbens medlemer p.g.a. covid-19-pandemien. Med gradvis opning av samfunnet har klubben som mål å arrangere storstemnet Ørstaleikane over to dagar siste helga i august med deltakarar frå heile fylket og frå nabofylka.   

Trykk på linken under for å sjå resultata. Resultatliste Sparebank1-leikane 2021

06.06.2021
- olve.oyehaug

Det er no klart for bestilling av klubbkle for Ørsta IL friidrett. Merk at bestillingsfrist er 13. juni.

Klubbklea er av merket Trimtex. Dette er veldig gode trenings- og konkurransekle. Storleikar er frå 130 cm og oppover. 

Nettbutikken stenger 13.06.2021 med forventa levering i veke 29.

Informasjon om framgangsmåte:

Før du kan starte å bestille må du registrere deg.

Vel «Logg inn» om du allereie er registrert som brukar på trimtex.no eller “Ny konto” om det er første gang du bestiller frå Trimtex. På mobil må du scrolle litt nedover på sida for å finne desse to vala.

Klikk deg inn på linken her for å komme til nettbutikken: trimtex.no/no/teamshop/orstafriidrett2021 

Eller logg inn med aktiveringskode/teamkode: orstafriidrett2021

Du skal motta en ordrebekreftelse frå Trimtex når din ordre har gått gjennom.

Vi tilrår å bruke Chrome eller Firefox for at det skal fungere optimalt, f.eks vil brukarar av Internet Explorer kunne oppleve problem.

Lurt tips! Kjem ein “bort” fra klubbsidene, kan ein alltid klikke på klubbnamnet øvst på sida for å kome tilbake igjen. På mobil visast dette ved å gå på menyen øvst til venstre.

Viss de har problem med å logge inn, eller andre henvendingar nøl ikke med å ta kontakt enten på support@trimtex.no eller per telefon 37 26 91 00.

NB! Ørsta IL friidrett jobbar samtidig med eit enkelt lavprisalternativ til dei yngste utøvarane: Billege klubb-t-skjorter frå annan leverandør. Planen er at dei vert klare for bestilling og levering etter sommarferien.

04.06.2021
- olve.oyehaug

Kalender

September
MTOTFLS
303112345
6789101112
13141516171819
20212223242526
27282930123

Aktiviteter

Ingen aktiviteter tilgjengelig for øyeblikket