Nyheter

Elias Hovden Nilsen og Johannes Eiksund deltek på Jr NM i friidrett på Askøy denne helga.

Elias er medaljekandidat i spyd i klassen M23.

Johannes deltek i både 100 m og 200 m i klassen M20. Johannes er semifinalekandidat på 100 m. 

Stemnet startar i dag fredag 30. juli. Meir info finn ein på nettsida til arrangementet: https://jrnm2020.no 

30.07.2021
- olve.oyehaug

Laurdag 28. og søndag 29. august inviterer Ørsta IL friidrett til storstemne over to dagar på Ørsta stadion. 

Det er 126 påmelde.

Stemnet vert arrangert i tråd med gjeldane retningsliner for smittevern. Alle som er på stadion skal vere friske.  

NB! Alle publikum må registrere seg ved frammøte på stemnet. Registrering skjer ved frammøte. Det kan verte restriksjonar for antal på tribunen dersom mange ønskjer å vere publikum. 

Vi deler stemnet i to begge dagar. Først ut er rekruttane (9 år d.v.s. 2012-modellar og yngre). Når dei er ferdige skal dei og foreldre forlate stadion. Etter det vert det stemne for 10 år og eldre.

Trykk på linkane under for å sjå meir info:

Tidsskjema laurdag Ørstaleikane 2021

Tidsskjema søndag Ørstaleikane 2021

Klubbliste Ørstaleikane 2021 (pr 24.08 kl 23:59)

Startliste - Ørstaleikane 2021 (pr 24.08 kl 23:59)

Invitasjon med øvingsutval: Innbyding Ørstaleikane 2021 - Ørsta IL friidrett

Funksjonærliste_Ørstaleikane_2021_-_laurdag v3

Funksjonærliste-Ørstaleikane-2021-søndag v3_b

 

28.06.2021
- olve.oyehaug

Johannes Eiksund er den raskaste sprinteren i Ørsta IL friidrett på lang tid. Han sette ny personleg rekord på 100 m med 11,32 sek på Midtsommer-stevnet på Lillehammer laurdag. Tida er og ny klubbrekord på 100 m elektronisk tid. Søndagen suste han inn til endå ein personleg rekord. Han sprang 200 m på 23,30 sek. Dette er tangering av klubbrekord elektronisk tid. Resultata gav 4. plass i klassen G18/19 begge dagane.

Det var god deltaking på Midtsommer-stevnet på Stampesletta på Lillehammer. Rundt 400 utøvarar frå 90 ulike klubber deltok. 

27.06.2021
- olve.oyehaug

KM i Molde var ei god oppleving for Ørsta IL friidrett sine unge utøvarar.

Jonatan Hovden Ryste (G13) imponerte stort på KM med fleire resultat i norgestoppen akkurat no i løp. Han tok fem gull og ein sølv i distansar frå 60 m til 1500 m. Har er no nr. ein i klasse G13 i Norge på 60 m hekk. Tid 10,25 og ny personleg rekord (PR). På 60 m er han no Norges femte beste G13 etter laurdagens løp på 8,35 som er ny PR.  På 600 m sette han ny klubb/aldersrekord og PR med 1,41,52. Søndag sprang han på 27,22 på 200 m. Ny og best i Norge G13 på 200 m. Ikkje nok med det. Så gjekk han laus på 1500 m og sette ny PR 4,48,87 som er topp 8 i Norge G13. 923 Tyrvingpoeng fekk han med heim for 1500 meter-løpet. Nokre minutt etter at han var i mål på 1500 sprang han Norges raskaste 200 m hekk så langt i år på 32,96 og ny PR.

Julie Hovden Ryste (J13) viste at også ho er i landstoppen. 60 m hekk sprang ho på11,07. Ny PR og Norges fjerde beste J13 i år. Ho er no topp 3 i Norge J13 på 200 m hekk med 35,26 og topp 3 i Norge J13 på 200 m 29,28. Begge resultata er ny PR.

Ørstas raskaste mann Johannes Eiksund (G18/19) sprang inn til sesongbeste 11,49 på 100 m og fekk 976 Tyrvingpoeng for innsatsen. Søndag sprang han 200 m på 23,60 og 919 Tyrvingpoeng.

Filip Hoggen (G17) tok seg inn blant topp 10 Norge G17 i to øvingar: Nr 10 på 400 m med 56,06 og nr 9 i lengde 5,57 m. Begge resultata er nye PR.

Isak Arneson Lothe (G13) vart kretsmeister i høgde med 1,30 cm.

Thea Nilsen (J16) spesialiserer seg på kast. Ho vart kretsmeister i diskos med 23,61 m.

Jenny Hermine Bjørneset (J15) sprang 2000 m som er UM-øving J15. Ho sprang i mål på 9,04,60 og kan no berre førebu seg til å springe 2000 m i UM 2021.

Linnea Anine Høydalsnes Nes (J13) spring stadig raskare. Ho tok seg til finale på 60. Ho sprang på gode 8,91 sek.

Kristian Aarflot Årdal (G11) var stadig på pallen og tok i mot medaljar. Han vart kretsmeister i høgde med ny solid PR på 1,23 m.

Madelene Almestad (J11) er både sterk og rask. Ho tok med mange medaljar heim og vart kretsmeister i lengde, kule og liten ball. I tillegg sette ho alders/klubbrekordar. 

Ragne Øyehaug (J11) tok med seg heim tre sølv og ein bronse og fem nye PR. Gjevast var kanskje ny PR på 60 m der ho no sprang på 9,69.

Lea Johanne Asbjørnsdotter Skotte (J11) viste flott framgang og tok seg til finale på 60 m med ny solid PR på 9,75. I lengde tok ho bronse med ny PR på 3,52 m.

Dei yngste utøvarane stilte stafettlag på 4x60 m i klassen Mix 11-12 år. Der tok Ørsta sitt lag sølv med 39,77 sek.

Det vart sett tre aldersrekordar i klubben: J11: Madelene Almestad, 200 m på 32,05 og 60 m hekk på 11,25 sek. G13: Jonatan Hovden Ryste, 600 m, 1,41,52.

KM i friidrett vart arrangert på Molde idrettspark 19. og 20. juni. Det var rundt 160 utøvarar frå heile fylket. Spesielt god var deltakinga frå søre Sunnmøre. Ørsta IL friidrett stilte med 12 utøvarar i alderen 11-18 år. Dei sette til saman 32 personlege rekordar.

21.06.2021
- olve.oyehaug

Det var god deltaking på treningsstemnet/cupstemnet på Ørsta stadion. Det var flott å sjå at deltakinga i dei yngste klassane verkeleg er på veg opp igjen etter ein lang periode med redusert aktivitet p.g.a. pandemien. 

Innsatsen var topp og det vart sett mange personlege rekordar på stemnet.

Noah Digernes Merheb var dagens raskaste på både 60 meter (8,27 sek) og på 800 m (2,25,42 sek).

Trykk her for resultatliste treningsstemne

Stemnet vart arrangert i tråd med gjeldande smittevernsreglar.

15.06.2021
- olve.oyehaug

Kalender

September
MTOTFLS
303112345
6789101112
13141516171819
20212223242526
27282930123

Aktiviteter

Ingen aktiviteter tilgjengelig for øyeblikket