Nyheter

Elias Hovden Nilsen og Andrine Hjellen Haugland frå Ørsta IL friidrett tok begge sølv på BULs og Tjalves stevneserie på Bislett del 2 søndag 14. juni. Det står stor respekt av at to spydkastarar frå Ørsta IL friidrett kvitterte ut kvar sin andreplass og kvart sitt sesongbesteresultat!

I klassen kvinner senior vart Andrine nr. 2 med 47,90 m. Dette er ny sesongbeste (før i år 46,70 m). Elias Hovden Nilsen kasta i klassen menn senior og vart nr 2 med 60,64 m og ny sesongbeste (før i år 56,87 m) og 972 Tyrvingpoeng.

Stemnet vart arrangert av BUL og Tjalve på Bislett under streng oppfølging av smittevernsreglar i samband med korona-pandemien.

Opptak av stemnet ligg på Facebook: https://www.facebook.com/watch/live/?v=379232086373776&external_log_id=154de189-0115-46dd-ab2d-af9999b1ce0b

 

 

14.06.2020
- olve.oyehaug

Laurdag 20. juni kl 12 er det klart for SpareBank1-leikane på Ørsta stadion. 

Trykk på linkane under for lister:

Tidsskjema Sparebank1 leikane 2020

Klubb - SpareBank 1 - leikane - koronareglar (oppdatert fredag)

Startliste - SpareBank 1 - leikane - koronareglar v2 (oppdatert fredag)

Møt i god tid før di første øving.

Det vert ikkje avkryssing.

Det vert ikkje startnummer.

Det vert ikkje premieutdeling.

Sidan det er avgrensa med plass på stemna på grunn av smittevernreglane så må alle utøvarane melde seg på via MinIdrett seinast 16. juni.

Foreldre eller trenarar som ønskjer plass på tribune må også melde seg på. Dei kan melde seg på via epost til orstail.friidrett@gmail.com 

Du vil då få tildelt akkreditering om det er plass. Aktive utøvarar vil bli prioritert.

Alle som melder seg som funksjonærar vil få adgang til stadion.

I innbydinga i linken under så finn du meir informasjon om stemnet og kva øvingar som er sette opp.

Innbyding SPB1-leikane 2020 Ørsta IL friidrett – revidert COVID-19

Tilleggsøving: Vi har opna for påmelding på slegge for 10-14 år.

12.06.2020
- olve.oyehaug

Treningsstemnet på Ørsta stadion i kveld vart rekordenes aften. Det vart sett 33 nye flotte personlege rekordar (PR), 5 nye klubbrekordar, to topp-10 resultat i Ørsta IL for menn gjennom alle tider og to resultat over 900 Tyrvingpoeng. Dette var ei strålande sesongopning på stadion!

Nye klubbrekordar til:

Madelene Almestad Kristiansen (J10) 16,22 på 100 m.

Pia Flatjord Tofteland (J11) 15,85 på 100 m.

Julie Hovden Ryste (J12) 14,84 på 100 m

Jonatan Hovden Ryste (G12) 14,72 på 100 m.

Johannes Eiksund (G17) 23,56 på 200 m (952 Tyrvingpoeng). Dette er ny PR og klubbens 3. raskaste 200 m for menn gjennom alle tider! I ein svært spennande spurtduell frå start til mål med Sondre Johannes Espelid frå Dimna IL var det Johannes som vart først over målstreken. Begge sette PR.

På 100 m sette Johannes ny PR utandørs på 11,74 (959 Tyrvingpoeng) og han er no klubbens 5. raskaste mann på 100 m gjennom alle tider.

Så legg vi igjen merke til Jenny Hermine Bjørneset (J14) med ny PR på 800 m med tida 2,39,14. På dagen for eit år sidan sprang ho 800 m på 3,06,75. Så her snakkar vi om framgang med store bokstavar.

Filip Hoggen (G16) har også noko på gang på 800 m. I dag 2,16,67 som er mindre enn 2 sek bak PR.

Trykk her for resultatliste

26 utøvarar deltok på stemnet som var det første løpsstemnet Ørsta IL friidrett har arrangert i år. Stemnet vart arrangert i tråd med gjeldande smittevernsreglar i samband med covid 19-pandemien.

 

04.06.2020
- olve.oyehaug

Torsdag 28. mai sette Elias Hovden Nilsen ny banerekord i spydkast på Ørsta stadion med gode 56,87 m.
Den gamle rekorden 54,88 m overlevde fram til tordag kveld alle "angrep" sidan 1995. Nye banerekordar er så visst ikkje kvardagskost og skal heller ikkje vere det. Dei skal henge høgt.
Ser vi på dei øvrige banerekordane i kast så er kulerekorden 17,09 m frå 1963, diskosrekorden er 53,84 m frå 1984, sleggerekorden er 62,66 m frå 1972, spydrekorden med den gamle spydtypen er 74,48 m frå 1984. Alle desse rekordane er sette av kastarar med store merittar. Så Elias er i særs godt selskap på banerekordlista.
Thea kasta også i går kveld. Debuterte med 600 gr spydet. Det gjorde ho fin-fint. Thea kasta 24,42 m og er no klubbens 10. beste kvinne i spydkast gjennom alle tider!

31.05.2020
- olve.oyehaug

På Seriestemne på Høddvoll stilte Ørsta IL friidrett utøvarar til start.
Johannes Eiksund (G17) sesongåpnå i forrykande fart på sprinten. Framgangen er formidabel!
60 m gjekk unna på godt raske 7,43. Ny PR (før 7,70) og 964 Tyrvingpoeng. Med sine 7,43 er Johannes klubbens raskaste mann på 60 m utandørs (elektronisk tid) gjennom alle tider.
Så sprang han i mål på 100 m på særs gode 11,53 for så å oppdage at vinden i ryggen var 2,1. Synd det. Tida 11,53 seier oss at Johannes kjem til å springe fort - veldig fort utover i sesongen.
Elise Aarflot (J14) sprang 60 m på 8,88 og 200 m på 30,89.
Jenny Hermine Bjørneset (J14) sprang 600 m på 1,53,48 som er mindre enn 2 sek bak PR på distansen.

31.05.2020
- olve.oyehaug

Kalender

April
MTOTFLS
2930311234
567891011
12131415161718
19202122232425
262728293012

Aktiviteter

Ingen aktiviteter tilgjengelig for øyeblikket